|
Anhawster i ddysgu darllen, ysgrifennu a sillafu yw dyslecsia,
sy'n cael ei achosi gan gyfuniad o ddiffygion prosesu ffonolegol,
gweledol a chlywedol. Mae'n bosibl hefyd y bydd gan yr unigolyn
dislecsigfod yna anawsterau wrth ailafael mewn geiriau ac
a pha mor gyflym chyflymder y gall eu prosesu. Mae amlygrwydd
dyslecsia mewn unigolyn yn dibynnu nid yn unig ar wahaniaethau
gwybyddol unigol ond hefyd ar yr iaith a ddefnyddir (Ian Smythe,
2000).
Mae pob unigolyn dyslecsig yn wahanol a dylai fe neu hi gael
ei drin/ei thrin fel unigolyn. Mae nifer ohonynt yn meddu
ar ddoniau y mae galw amdanynt gan gyflogwyr, megis sgiliau
gweld-gofodol, gallu i feddwl yn gyfannol a gweld pethau yn
eu cyfanrwydd, a meddwl ochrol da. Gall yr un ffactorau sy'n
achosi anawsterau llythrennedd fod yn gyfrifol am amlygu nodweddion
positif. Er enghraifft, mae'n bosibl bod y rheini sy'n ei
chael hi'n anodd i ddatrys problem yn yr un ffordd ag y byddai
eraill, yn defnyddio dyfeisgarwch sy'n arwain at fwy o wreiddioldeb
a chreadigrwydd, dawn a welir yn aml yn yr unigolyn dyslecsig.
Awgryma rhai pobl fod y nodweddion hyn yn dod i'r amlwg dim
ond o ganlyniad i'r anhawster a geir wrth ddysgu sgiliau llythrennedd.
|